ISBN

Lu còdici ISBN (di l'ingrisi International Standard Book Number, zoè «Nùmmiru di Rifirimentu Ntirnazziunali pi li Libbra») è na sicuenza numèrica di 13 cifri usata cunvinziunarmenti nta tuttu lu munnu pi la classificazzioni di li libbra; nzinu a lu 2007 lu còdici era cumpostu di 10 cifri (l'ùrtima di li quali putìa èssiri na X comu 10 ntra nùmmiri rumani), ca è usatu macari a voti.

Lu còdici è difinutu di nu standard di l'ISO, ca diriva di la codìfica SBN ngrisa di lu 1967. Mancari ca nun è ubbricatoriu, lu sò usu è pirò addivintatu essinziali pi nzèdiri lu prudottu libbrariu nta li canali dâ granni distribuzzioni. Ogni còdici ISBN idintìfica nta na manera ùnica ogni spicìfica edizzioni di nu libbru (mentri li semprici ristampi mantèninu lu stissu còdici di l'edizzioni ca ripròduciunu) e, na vota assignatu, nun pò cchiù èssiri riusatu.

Esistiunu puru còdici numèrici anàlughi comu l'ISSN pi la classificazzioni di li pubbricazzioni piriodichi (comu li quotidianu o li rivisti), o l'ISMN pi li spartiti musicali.